Risi në listën e De Biasit për miqësoren me Kosovën dhe Gjeorgjinë: mungojnë Mavraj e Kukeli, vijnë Manaj e Veseli

Miqësorja e pritshme me Kosovën e Gjeorgjinë, do sjellë dy risi në kombëtaren shqiptare, të cilët quhen Manaj dhe Veseli. Kështu, në njëzetepesçen e grumbulluar nga Gianni De Biasi, janë dhe këtu dy emra të rinj, pra Rey Manaj dhe Federik Veselin, të cilët do e bëjnë sefte aktivizimin kuqezi përballë Kosovës në Prishtinë.

E nga ana tjetër, vihet re mungesa e futbollistëve si Mërgim Mavraj, Burim Kukeli apo dhe Hamdi Salihi. Por marrë në përgjithësi, pjesa dërmuese e futbollistëve që ishin pjesë e përfaqësueses për kualifikimet e Euro 2016, do jenë të pranishëm në miqësoren ndaj Kosovës dhe asaj ndaj Gjeorgjisë.

“Kemi dy miqësore ne rradhë, që do i shfrytëzojmë për t`i testuar disa nga futbollistët e rinj dhe të shohim gjendjen e futbollistëve në përgjithësi. Ne duhet të punojmë shumë dhe të përgatitemi akoma më shumë për Europianin”, u shpreh De Biasi gjatë prezantimit të listës.

Shqipëria, miqësoren e parë të muajit nëntor do ta zhvillojë ndaj përfaqësueses së Kosovës më datën 13 në Prishtinë, ndërkohë 6 ditë më pas, e pret kombëtaren e Gjeorgjisë.

/tesheshi.com/