Sivjet ka filluar pak me vonesë ai që cilësohet si “sezon i tritolit” kundër shtyllave të tensionit të lartë.
Në fshatin Arramenas, është hedhur në erë shtylla e tensionit të lartë me një eksploziv që ende nuk është gjetur se çfarë materiali i përket.
Lënda plasëse ishte vendosur në këmbët e shtylës por pa mundur ta rrëzojë atë.
Menjëherë pas marrjes së informacionit, forca të shumta policie të Komisariati të Krujës kanë mbërritur në vendngjarje, ndërsa nga Tirana janë nisur dhe ekspertët e Sektorit Antieksploziv për të përcaktuar llojin e lëndës plasëse dhe sasinë.
Ndërkaq, grupi hetimor i ngritur për këtë ngjarje është duke vijuar punën për dokumentimin e plotë të saj dhe identifikimin e autorëve të vendosjes së eksplozivit dhe motivin.
Përgjithësisht, rrëzimi i shtyllave të tensionit të lartë në Shqipëri ka ndodhur në sezone të acaruara politike. Në fakt lind pyetje ç’lidhje ka shtylla e tensionit me politikën?!
Një analizë faktesh po të bëhet: në vitin 1998, vitin 2000, vitin 2013, regjistrimet e tritolit në shtylla rastisën me situta të acaruara. Pra çdo shpërthim verbal në Parlament, poshtë në “bazë” përkthehet me tritol./tesheshi.com/
