Avionët ushtarakë të qeverisë siriane kanë bombarduar ditën e premte disa zona të banuara në kampin e refugjatëve palestinezë të Jermukut, raporton Agjencia Anadollu.
Sipas një refugjati, i cili identifikohet si Ebu Basim, “helikopterët e Asadit qëlluan mbi banorët e kampit me më shumë se 10 fuçi-bombë dhe mortaja.” Bombardimet shkaktuan shumë dëme.
Ebu Basimi theksoi se nuk kishte asnjë arsye të dukshme për të bombarduar Jermukun. “Jetoj këtu prej 25 vjetësh dhe nuk kam parë kurrë dikë të mbajë një armë,” tha ai.Ai gjithashtu pyet se pse po bombardohen shtëpitë e palestinezëve në një konflikt ku ata nuk janë të përfshirë?
Jermuku ndodhet rreth 10 kilometra larg kryeqytetit sirian Damask. Është shtëpia e rreth 185 mijë refugjatëve palestinezë, nga të cilët kanë mbetur vetëm 15 mijë. Pjesa tjetër është zhvendosur që prej fillimit të kryengritjes siriane në mars të vitit 2011.
