Një serial i ri televiziv prodhim saudit që nisi transmetimin në fillim të Ramazanit ka ngjallur zemërim pasi shfaqi një monolog hyrës në gjuhën hebraike, njoftoi Jeruzalem Post.
I filmuar në Emiratet e Bashkuara Arabe, seriali i diskutueshëm “Umm Haroun”, që do të thotë Nëna e Aronit, përqendrohet në marrëdhëniet muslimano-hebreje në Kuvajt gjatë viteve 1940.
“Para se hapat tanë të zhduken dhe para se jeta jonë të bie në harresë, ne do të humbasim veten me kohën e mbetur. Për hir të trashëgimisë së Moisiut që bëri mrekulli, vendosa të shkruaj….Ne jemi hebrenj të Gjirit, të lindur në vendet e Gjirit … “, thotë personazhi kryesor hebre në hyrjen e serialit.
Seriali tregon historinë e një gruaje hebreje, paraardhësit e së cilës emigruan nga Turqia në Kuvajt para se të emigronin në Izrael.
Shumë shikues kanë kritikuar prodhuesit e serialit sepse besojnë se shfaqet në kontekstin e përpjekjeve të disa vendeve të Gjirit për të normalizuar marrëdhëniet me Izraelin.
Sipas televizionit N12, shumë besojnë se Princi i Kurorës Mohamed bin Salman është personalisht i përfshirë në prodhimin e serialit pasi ai është i interesuar për marrëdhënie më të ngushta me Izraelin.
Por autorët e skenarit, vëllezërit Muhamed dhe Ali Abdel Halim Shams nga Bahreini, i thanë Reutersit se seriali nuk kishte asnjë mesazh politik.
Nga ana tjetër, zyrtari i Hamasit Ra’fat Murra, tha se ishte “një përpjekje për të futur politikisht dhe kulturisht projektin zionist në shoqërinë e Gjirit Arabik”. Murra gjithashtu tha: “Karakteri i Umm Haroun më kujton Golda Meir (ish-kryeministren e Izraelit), udhëheqëse e okupimit, e cili ishte një kriminele i etur për gjak. Ky është qëllimi i normalizimit: urrejtja, vrasja e ngadaltë dhe shkatërrimi i brendshëm. ”
Uebfaqja palestineze Al-Quds raportoi se 13 organizata palestineze i kanë bërë thirrje rrjetit televiziv saudit të ndalojë transmetimin e serive të diskutueshme.
Sipas Times of Israel, ky është prodhimi i parë arab që trajton jetën e hebrenjve në Gjirin dhe marrëdhëniet e tyre me muslimanët. /tesheshi.com/
https://youtu.be/kXWTYMYXcmI
