Kryeministri Rama i solli në kujtesë opozitës se kryebashkiaku i Durrësit Vangjush Dako ka fituar dhe kur ajo ishte në pushtet. Gjatë një takimi në Durrës në kuadër të fushatës “Bashkia që duam”, Rama nuk ka dha të kuptuar nëse Dako do ishte sërish kandidat për qytetin bregdetar, pra për një mandattë katërt, por ai e shfrytëzoi praninë e atyshme për t’i përcjellë mesazh opozitës se në atë zonë dikur, sipas tij, PS nuk dërgonte as komisionerë dot prej krimit të lidhur me PD-në.
“Këta të burgosurit i nxirrnin me leje, tani thonë foli Gjushi në telefon me Niçen. Këta i nxirrnin të burgosurit me leje dhe i merrte në krahë deputeti dhe vinte terrorizonte gjithë dynjanë. Flasin këta për krime, kriminelë? Ne nuk çonim dot komisionerë në Shijak, nuk shkonin dot njerëzit në komision, u detyrua partia t’i conte pa njohur e mos t’i shikonin nesër. I harruat zgjedhjet në Shijak që kërciti druri! Ata thonë jo se na vidhni votat. Po kur ishit ju në qeveri sa herë iu ka rrah Dako. Me kë e bëri këtë punë, me Niçen?! Niçja dhe shumë të tjerë, ishte me ju, Niçja dhe të gjithë bashkë”, u shpreh Rama.
Siç dihet tashmë, opozita ka ndërtuar një kauzë të saj anti-Rama me pretendimin se zgjedhjet në 2017 janë blerë, e kjo referuar një komunikimi mes kryebashkiakut Dako e Avdulajve të Shijakut. /tesheshi.com/
