Gjatë një qëndrimi në Vlorë, kryeministri Rama komentoi listën e PD-së në këtë qark dhe faktin se përse ishin me emra tepër. Ndërkohë tha se aty, te lista e PD-së, nuk kishte as një emër çami apo minoritari.
“Ne kemi zgjedhur ta bëjmë këtë komunikim me një format të kufizuar, përderisa ligji është 10 ne kemi 10 ndërkohë që lista është me 12. Pala tjetër ka sjellë një listë të paligjshme me 17 kandidatë. Është tregues i një çorientimi dhe i një talljeje brenda për brenda për t’i futur njërëzit në sherr me njëri-tjetrin.
Çuditërisht edhe pse janë 17 vetë nuk është gjetur një emër për minoritetin grek apo komunitetin çam. Ndërkohë që qoftë sekseri i Çamërisë, qoftë sekseri i Greqisë kanë vajtur në listën e Tiranës.
Ky është një tregues i qartë për të gjithë shqiptarët për të parë se me kë mund të shkojë Shqipëria para dhe më kë mund të bëhet qesharake”, theksoi shefi i qeverisë.
“Asnjë banor Vlore në skuadër”, theksoi Rama, duke thënë se “në Vlorë nuk duhet votuar majtas apo djathtas por duhet votuar drejt. Ne jemi mekanizëm, nuk jemi qëllim, Vlora është qëllimi. PS është mekanizëm për të realizuar qëllimin”. /tesheshi.com/
