Sipas një raport të publikuar nga Dojçe Vele, prej janarit e deri në qershor të këtij viti, janë afro 22 mijë shtetas shqiptarë që kanë kërkuar azil në Gjermani.
Kjo është një shifër e rritur në raport me treguesit e vitit të kaluar, ku ka patur vetëm 4 mijë të tillë. Po ashtu dhe Kosova ka rritje të ndjeshme të azikërkërkimit. Ndërsa në vend të parë qëndrojnë vende me vatra lufte siç është Siria.
Prirja e rritur e shqiptarëve për t`u zhvendosur drejt Gjermanisë, është konsideruar si ndër pikat më të dobëta të qeverisjes së majtë të pas-vitit 2013.
Kjo u cek dhe gjatë vizitës së Merkelit, ku me anë të një deklaratë ajo la të nënkuptuar se qeveria duhej të bënte çmos për ta ndalur këtë valë azikërkimi.
