Kremlini vijon të provokojë perëndimin, SHBA dhe NATO-n, me qëllim përfitimin e sa më shumë krediteve në çështjet delikate të Ukrainës dhe Sirisë, siç vlerësojnë analistët.
Së fundi, Rusia ka dislokuar sërish raketa Iskander me kapacitet për t’u pajisur me mbushje bërthamore në enklavën e Kaliningradit, në kufi me dy shtetet e NATO-s, Lituaninë dhe Poloninë.
Dy shtetet kanë reaguar duke thënë se ky gjest i Moskës rrezikon të shkelë traktatin kyç për armët bërthamore.
“Rusia po kryen aktualisht monovra ushtarake në Kaliningrad dhe skenari i saj parashikon dislokimin e sistemeve të raketave Iskander me mundësinë e përdorimit”, deklaroi kreu i diplomacisë lituaneze, Linas Linkevicius.
“Trajektorja e këtyre raketave me kapacitet për t’u pajisur me mbushje bërthamore është rreth 700 kilometra. Berlini duhet gjithashtu të jetë i kujdesshëm ndaj këtyre raketave, pasi kjo enklavë është plotësisht e izoluar nga territori rus që shtrihet midis Lituanisë dhe Polonisë”, shtoi më tej zyrtari i lartë lituanez.
Çdo ditë e më tepër po shtohen zërat për një rikthim të Luftës së Ftohtë. Madje, më e rrëzikshme se e ajo e lënë pas këtu e 25 vjet më parë, pas rrëzimit të komunizmit në bllokun lindor të kryesuar nga Bashkimin Sovjetik. /tesheshi.com/
