Presidenti rus Vladimir Putin ka nxjerrë të shtunën një ligj që lejon autoritetet të ndalojnë veprimtarinë e organizatave të huaja të klasifikuara si “të padëshirueshëm” dhe të cilat përbëjnë një kërcënim për shtetin dhe sigurinë e saj.
Sipas ligjit –të votuar nga Këshilli Federatës, (Senati) të martën dhe të enjten– “mund të konsiderohet i padëshirueshëm, aktiviteti cilësdo OJQ të huaj ose ndërkombëtare që paraqet një kërcënim për themelet kushtetuese të Rusisë, për sigurinë e mbrojtjes dhe të qeverisë së vendit.”
Ligji u jep autoriteteve të drejtën për të parandaluar organizatat joqeveritare të huaja pas klasifikimit të tyre si të padëshirueshme. Po ashtu ligji u jep të drejtën autoriteteve që të përndjekin të punësuarit me burgim deri në gjashtë vjet, si dhe t`i ndalojnë ata nga hyrja në Rusi.
Ajo gjithashtu i lejon autoritetet të mbyllin llogaritë bankare të strukturave të synuara. Sipas këtij ligji, gjithashtu, organizatat ruse që marrin fonde nga organizatat e përshkruara si të padëshirueshme, duhet të paraqesin zbulimin e operacioneve të mëparshme.
Mbrojtësit e ligjit thonë se aksioni parandalues është i nevojshëm nën dritën e sanksioneve perëndimore të vendosura ndaj Rusisë, të cilat e akuzojnë atë për ndërhyrje në Ukrainë.
Nga ana tjetër, organizata që merren me mbrojtjen e të drejtave të njeriut e kanë refuzuar këtë ligj të cilin Amnesty International e ka konsideruar “një tjetër kapitull represioni i paparë që synon të godasë organizatat jo-qeveritare.” Amnesty International dhe Human Rights Watch gjetën gjithashtu se ligji i ri është pjesë e një fushate që synon të godasë shoqërinë civile në Rusi.
Ligji, i nxjerrë nga presidenti rus ditën e shtunë, është amendues i ligjit të votuar në vitin 2012, që detyronte organizatat joqeveritare që marrin fonde nga jashtë dhe që kanë një “veprimtari politike”, për t`u regjistruar si “agjent i huaj”.
Që nga fillimi i mandatit të tij të tretë në vitin 2012, Putin po përballet me akuza të brendshme dhe të jashtme si goditës i opozitës dhe si reduktues i lirive publike e private. /tesheshi.com/
