Një puthje e shkujdesur në buzë ka trazuar botën e futbollit, edhe pse qartazi nuk ka qenë një puthje erotike.
Të shtunën, komisioni disiplinor i Federatës Ndërkombëtare të Futbollit (FIFA) e ndaloi presidentin e Federatës Spanjolle të Futbollit (RFEF) Luis Rubiales, 46 vjeç, që të kryejë detyrat e tij në futboll për 90 ditë për shkak se ai puthi në buzë futbollisten spanjolle Jennifer Hermoso, 33 vjeçe, gjatë Kupës së Botës për femra.
Komiteti disiplinor, i kryesuar nga kolumbiani Jorge Ivan Palacio, lëshoi një deklaratë duke thënë se kishte “pezulluar përkohësisht” Rubiales nga “të gjitha aktivitetet e futbollit në nivel kombëtar dhe ndërkombëtar”.
“Ky pezullim, i cili fillon sot, fillimisht do të jetë në fuqi për 90 ditë,” tha ai.
Të enjten, FIFA hapi procedurat disiplinore ndaj Rubiales, i cili ka qenë kreu i RFEF që nga maji 2018.
Gjashtë ditë më parë, skuadra spanjolle e futbollit për femra mundi Anglinë me rezultat 1-0 në finalen e Kupës së Botës të luajtur në Sydney të Australisë. Para se të ngrinin trofeun fitues, lojtarët morën një nga një medaljet e arta. Në podium, Rubiales ishte ndër personat që uruan lojtarët me atë rast. Kur kaloi lojtarja Hermoso, ai e përqafoi dhe e puthi atë, pas së cilës qeshi.
FIFA's disciplinary committee has suspended Spanish federation president Luis Rubiales for 90 days for kissing a soccer player without her consent
The Spanish national team defeated England in the Women's World Cup. Rubiales kissed soccer player Jennifer Hermoso on the lips… pic.twitter.com/BBsQ3ihCeg
— NEXTA (@nexta_tv) August 26, 2023
Të premten, Rubiales tha nga selia e RFEF se puthja ishte “spontane” për shkak të euforisë festive dhe se Hermoso e mirëpriste, pasi sipas tij ishte diçka miqësore për ta, krejt në tjeër kontekst.
Por më vonë gjatë ditës, lojtarja raportoi se ai e puthi atë kundër dëshirës së saj dhe se ajo nuk do të luajë për kombëtaren derisa ai është në krye.
Të 23 futbollistet e Spanjës që fituan titullin kampione të botës, me anë të një letre përmes sindikatës thanë se nuk do të kthehen në kombëtare derisa Rubiales të jetë në krye të federatës spanjolle.
Por ai tha se nuk do të japë dorëheqje nga posti i tij.
Komisioni Disiplinor i FIFA-s duhet të marrë vendimin përfundimtar më vonë, kështu që masa e tij e përkohshme është aktualisht në fuqi. /tesheshi.com/
