Ministrat e mbrojtjes së NATO-s vendosën të enjten të dërgojnë 3500 trupa të tjerë në Irak.
“Ne do të zgjerojmë misionin stërvitor në Irak për të siguruar që ISIL të mos kthehet,” tha Sekretari i Përgjithshëm i NATO-s Jens Stoltenberg në një konferencë shtypi pas ditës së dytë të konferencës video të Aleancës.
Ai vuri në dukje se numri i personelit të NATO-s në atë vend do të rritet nga 500 aktual në 4,000 njerëz.
Duke vënë në dukje se organizata e armatosur ISIL vazhdon të veprojë në Irak, Stoltenberg tha se “rritja e numrit të sulmeve thekson rëndësinë e rritjes së misionit të NATO-s”.
Ai shtoi se duke zgjeruar misionin e ndërtimit të kapaciteteve, Aleanca dëshiron të shmangë një situatë në të ardhmen që do të kërkonte vendosjen e forcave luftarake të NATO-s.
Prania në Afganistan
Stoltenberg gjithashtu tha se ministrat e mbrojtjes së NATO-s ende nuk kanë marrë një vendim mbi praninë e ardhshme të kësaj aleance ushtarake në Afganistan.
“Ne duam të sigurohemi që kemi një marrëveshje të qëndrueshme politike që na lejon të largohemi nga vendi,” tha ai.
Shefi i NATO-s theksoi se Aleanca dëshiron të sigurojë që Afganistani të mos bëhet më kurrë një “strehë e sigurt për terroristët”.
Temat kryesore të ditës së dytë të takimit të ministrave të mbrojtjes së NATO-s ishin Afganistani dhe Iraku. /tesheshi.com/
