Përjashtimi i shkrimtarit Antonio Scurati nga një program i radiotelevizionit publik RAI është bërë kryefjala e lajmeve në Itali.
Scurati pritej të lexonte një monolog në një program të kanalit RAI tre, duke iu referuar përvjetorit të humbjes së nazizmit dhe fashizmit, më 25 prill.
Në monologun e tij, Scurati tha se “kryeministrja e vendit, Georgia Meloni, u distancua nga përgjegjësitë më tragjike të fashizmit, pa dënuar, në tërësi, përvojën fashiste dhe pa fajësuar nazistët për masakrat që ushtarët gjermanë kryen me Musolinin.”
Në të njëjtën kohë, autori theksoi në tekstin e tij se Meloni nuk e njeh rolin kyç të rezistencës ndaj fashizmit, për rilindjen e vendit dhe se nuk i referohet asnjëherë veprimit antifashist të kryengritësve “partizanë”.
Burime të RAI-it kanë bërë të ditur se pjesëmarrja e Scuratit në një program të organizatës do të binte ndesh me rregulloren për të drejtën e aksesit të barabartë në mediat televizive, në çdo periudhë parazgjedhore.
Mirëpo, prezantuesja e emisionit Serena Bortone e ka cilësuar “të pakuptueshëm” vendimin për anulimin e pjesëmarrjes së shkrimtarit. /tesheshi.com/
