Numër i konsiderueshëm i nxënësve të shkollave të mesme në Shkup, kanë kaluar natën e parë në tendat e vendosura përballë godinës së Ministrisë së Arsimit.
Kohën e kanë kaluar siç thonë me lojra sociale dhe diskutime, ndërsa janë të bindur se do ta përballojnë këtë sfidë duke dëshmuar vendosmëri në kërkesat për largim të testimit ekstern dhe kthim të maturës së vjetër shtetërore.
Nxënësit kanë përkrahje nga prindërit e tyre, por edhe nga qytetarë të shumtë të cilët i kanë vizituar mbrëmë, ndërsa paralajmërojnë vazhdim të kampimit, nëse sot ministria nuk pranon kërkesat e tyre.
Ndërkohë, Ministria e Arsimit u ka apeluar prindërve të bindin fëmijët që të heqin dorë nga protesta dhe të kthehen në bankat shkollore. /tesheshi.com/
