Protesta “anti-Basha” për “Open Balkan”: Ku je nip Peje?

PD-ja “Berisha” e mbajti protestën e paralajmëruar, në dukje anti-Vuçiç, por më shumë anti-Basha, si një test për të parë se sa mund të jetë numri i ndjekësve në rrugë.

Ndaj dhe në fjalimin e Berishës, pos atyre që tha për “Open Balkan”, ishte potencim i faktit se ai është një uragan, të cilin qeveria s’e përballon dot.

“Në dy muaj ne arritëm të vendosim në piedestal monumentin e pluralizmit që e mori peng Edi Rama. Ky uragan, ky ortek nuk ndalet më.

Më lejoni t’i dëgojë një paralajmërim Edi Ramës: Mos guxo. Mos guxo t’i dalësh para. Mos mendo se me pakicë mund të shtypësh shumicën. Mjerimi të pret. Nuk ka forcë që na ndalon në rrugën tonë”, tha ai.

Ndërkohë, në fjalëmbajtësit e protestës, pati aso që tentuan ta kompleksojnë Bashën, duke i kujtuar atij se është nip Kosove, por që s’po reagon si i tillë.

Ajo qe Edit Harxhi: “Ku ndodhet sot ish-kryetari i PD Lulëzim Basha, nipi i Pejës? Në katër vitet e fundit ai ka bërë vetëm një deklaratë të mjerë që nuk nderon asnjë nga ne. Por ne do ringrihemi, dhe si konservatorë do të kemi çështjen kombëtare si prioritet”. /tesheshi.com/