Prokuroria njofton se ka nisur hetime rreth protestës së organizuar pak ditë më parë nga Bashkia e Tiranës përpara Gjykatës Administrative.
Sipas organit të akuzës, po hetohet rreth veprave penale të “protestës së paligjshme” dhe asaj të “fyerjes dhe kërcënimit të gjygjtarëve”.
Kjo vjen një ditë para kërkesës së bërë nga presidenti Nishani për ta hetuar protestën, në krye të së cilës ishte kryebashkiaku Erjon Veliaj, në të cilën u përfol dhe vetë ai si president, që në detyrën e kreut të Këshillit të Lartë të Drejtësisë, ka ndërhyrë në ndërrimin e një trupe gjykuese.
Shkak janë bërë pallatet 17-katëshe tek Diga e Liqenit.
Ky zhvillim është në vazhdën e një përplasjeje të pazakontë mes kreut të Bashkisë së Tiranës dhe atij të Shtetit, që padyshim, më shumë se ligjore, ka ngjyrime politike.
Edhe paraditen e së premtes, Veliaj ka sulmuar ashpër, si gjykatat ashtu dhe presidentin, si të përfshirë në afera në dëm të qytetarëve. /tesheshi.com/
