Presidenti egjiptian Abdel Fattah al-Sisi bëri thirrje për nxjerrjen e një rezolute të OKB-së që lejon formimin e një koalicioni ndërkombëtar për të ndërhyrë në Libi, pasi Ministria e Jashtme egjiptiane njoftoi se Këshilli i Sigurimit të OKB-së mbajti një sesion urgjent të mërkurën, për të diskutuar situatën në këtë vend.
Al-Sisi tha në një intervistë të transmetuar në kanalin francez “Europe 1” se “nuk ka asnjë alternativë tjetër përvec sulmeve ajrore që ndërmorën avionët egjiptian në Libi, pas miratimit të popullit libian dhe qeverisë së tyre”. Duke theksuar se situata kërkon një skenar të përsëritur dhe në mënyrë të organizuar.
Lëvizjet Diplomatike
Në të njëjtën kohë, ministri i jashtëm egjiptian Sameh Shukri ka zhvilluar konsultime me delegatët e Jordanisë dhe Libisë në Këshillin e Sigurimit të OKB-së në mënyrë që të koordinojnë veprimet në mbledhjen e pritur të Këshillit, ku do të diskutohen pasojat e ekzekutimit të qytetarëve egjiptian në duart e shtetit islamik dhe mënyrat për tu përballur me rrezikun e asaj që ai e quajti terrorizëm në Libi.
Kjo kërkese vjen një ditë pasi Al-Sisi dhe homologu i tij francez Francois Hollande, i bënë thirrje Këshillit të Sigurimit që të ndërmarrë “masa të reja” në përgjigje të ekzekutimit të egjiptianëve të rrëmbyer.
Burimi Aljazeera, përshtati Enklid Pelari
