Presidenti amerikan, dritë jeshile Izraelit të bëjë ç’të dojë

Kur amerikanët njoftuan se ekipi i tyre i sigurisë kombëtare do të hetonte shkakun e shpërthimit në Gaza, shumë menduan se do të ishte një hetim i gjerë. Por presidenti Joe Biden duket se ka vendosur tashmë se kush qëndron pas sulmit vdekjeprurës, duke përdorur fjalë të zgjedhura keq, duke ia zhvendosur fajin “palës tjetër”, thotë Alan Fisher, reporteri i Al Jazeera që raporton nga Tel Aviv.

Ai kujtoi se Biden kishte shprehur zemërim për atë që kishte ndodhur.

“Vizita e tij është një shfaqje e paprecedentë e mbështetjes për izraelitët. Duke pretenduar se një raketë e gabuar shkaktoi masakrën në spital, Biden në fakt i dha Izraelit dritën jeshile për të bërë çfarë të donte”, shton ai.

Ai thekson se Biden, duke përdorur fjalë të zgjedhura keq për një president, e krahasoi Hamasin me ISIL.

“Deklarata se ISIL ishte më racional nuk ka kuptim,” tha ai.

Mbështetje pa rezerva për Izraelin

Presidenti Biden mbërriti në Izrael një ditë pasi një sulm ajror izraelit në spitalin Al-Ahli në Gaza vrau të paktën 500 njerëz, sipas autoriteteve shëndetësore palestineze.

Me të mbërritur në Tel Aviv, ai mbajti një konferencë shtypi me kryeministrin Benjamin Netanyahu, duke shprehur mbështetjen e paekuivoke të Amerikës për popullin e Izraelit.

“Duket se bombardimi në Spitalin Baptist Al-Ahli u krye nga një palë tjetër përveç jush,” i tha presidenti amerikan Biden Netanyahut, duke nënkuptuar se fraksionet e armatosura palestineze ishin përgjegjëse për sulmin dhe duke e krahasuar Hamasin me ISIL.

Por as kryeministri izraelit dhe as Biden nuk ofruan asnjë provë se grupet e armatosura palestineze ishin përgjegjëse për sulmin – i cili vrau më shumë se 500 njerëz. /tesheshi.com/