Çdo institucion që kërkon çertifikata të aplikantëve për dokumente, do t’i sigurojë ato vetë. Kështu shkruan kryeministri Edi Rama në një postim në rrjetet sociale, duke premtuar se brenda 100 ditëve të para të qeverisë së re kjo do të bëhet realitet.
“Guinness: Në 1 vit burokracia shqiptare kërkon 4.5 milion çertifikata. Konsum skandaloz kohe lekësh, nervish, që do mbarojë me qeverinë e re.
Në çdo rast kur i duhet çertifikata e qytetarit, për të dhënë një shërbim burokracia duhet ta sigurojë vetë. Kjo do të bëhet realitet, brenda 100 ditëve të para të mandatit të ri”, shkruan Rama në rrjetet sociale.
Kjo do të thotë se të paktën në fillim të vitit të ardhshëm qytetarët nuk do të kenë më punë në zyrat e gjendjes civile për të marrë çertifikata, të cilat më pas i dorëzojnë në zyrat e shtetit. /tesheshi.com/
