Basha, nga SHBA, por dhe nga askundi i vetë politik, ka premtuar t’u heqë vizat shqiptarëve me Amerikën, një lloj premtimi anektodik për kohën që jetojmë dhe për llojin e sfidave që ka shoqëria shqiptare.
“Sot nga Uashingtoni, dua të rikonfirmoj zotimin tim se ashtu siç hoqëm vizat me Bashkimin Europian, do të heqim vizat dhe do të mundësojmë lëvizjen e lirë të qytetarëve shqiptarë në Shtetet e Bashkuara të Amerikës”, tha Basha në një videomesazh nga përtej oqeanit.
Kujtojmë se prej kohësh, ç’prej kur PD u morr zyrtarisht nga Berisha me vendim gjykate, Basha është ç’faktorizuar pothuajse plotësisht, duke mos përbërë më asnjë lloj rëndësie politike. Kjo u reflektua dhe në zgjedhjet e fundit lokale, ato të 2023-shit, ku kandidatët e tij nuk fituan asnjë bashki, ndërsa ata të Berishës i morrën gjithsesi shtatë sosh.
Në çdo rrethanë, dje si kreu i opozitës e sot si në krye të të copëze PD-je – Euroaltantikët – Basha thjesht shpalos paaftësinë e lindur politike, e cila nuk ka shkollim në Europë që ia kompenson. /tesheshi.com/
