Një fotografi e publikuar në Facebook i ka shpëtuar jetën vajzës së saj duke zbuluar se ajo është me kancer. Tani, Vicky Ashall, nga Urmston në Britaninë e Madhe është më optimiste se kurrë. Gjithçka nisi kur ajo vendosi të shpërndajë në rrjetin social shqetësimet e saj, në lidhje me të bijën 5 muajshe, Amelia Rose, e cila kishte diçka jo të zakontë në sy.
Si Vicky, edhe bashkëshorti i saj ishin të shqetësuar. Pasi publikoi fotografinë, miku i një mikut të saj i tha se i biri kishte pasur një shikim të ngjashëm me atë të vogëlushes dhe ishte diagnositkuar me tumor.
Sapo shkoi në spital u zbulua se e vogla ishte prekur nga një tumor i rrallë që prek sytë dhe që njihet me emrin retinoblastoma, në gjuhën shkencore.
Aktualisht Amelia Rose është duke bërë trajtimin e saj të tretë të kemioterapisë dhe 90% e tumorit në syrin e djathtë dhe një e treta e syrit të majtë i janë hequr. Retinoblastoma është një lloj tumori i rrallë i syrit dhe godet rreth 40 fëmijë në vit në Mbretërinë e Bashkuar. Nëse sëmundja nuk kapet në kohë dhe avancon, i prekuri rrezikon edhe verbërinë apo më keq akoma, ti hiqet syri fare.
“Amelia Rose është duke e marrë vetën dhe është përgjigjur më mirë se sa ne shpresonim, të gjitha trajtimevve mjekësore”,- tregon Vicky. “Ishim me fat që e pikasëm sëmundjen në kohë dhe tani shpresojmë që shikimi ti kthehet i plotë në të dy sytë”,- tregon ajo./tesheshi.com/
