“Presidenti rus Vladimir Putin llogarit dobësitë e Perëndimit në luftën në Ukrainë. Kjo është arsyeja pse Perëndimi duhet të tregojë forcën e tij, të mbështesë Ukrainën ushtarakisht dhe të fitojë mbi Kinën si ndërmjetës”, tha mendimtari politik Christian Hacke.
Sipas politologut Hacke, presidenti kinez Xi Jinping është kyç në përpjekjet diplomatike për t’i dhënë fund luftës së agresionit rus në Ukrainë, shkruan DW.
Në një intervistë për televizionin gjerman ARD, Hacke tha se përpjekjet për t’i dhënë fund luftës duhet të ndodhin drejtpërdrejt midis Rusisë dhe Ukrainës, “në nivelin e luftëtarëve në fushën e betejës”, megjithatë, Evropa, SHBA dhe Gjermania duhet patjetër të kërkojnë një kanal për të folur me Xi”.
Edhe nëse kryeministri izraelit Naftali Bennett njoftoi pas bisedimeve me presidentin rus Vladimir Putin dhe kancelarin gjerman Olaf Scholz se do të vazhdonte përpjekjet e tij ndërmjetësuese, në situatën aktuale Izraeli nuk ka aftësitë e nevojshme për të ndikuar te Putini dhe Kremlini, tha Hacke. “Nëse Putin dëshiron të dëgjojë dikë, ai është Xi”.
Përfaqësuesi i Lartë i BE-së për Politikën e Jashtme dhe Sigurinë, Joseph Borell, mbron gjithashtu ndërmjetësimin e Kinës në konfliktin ukrainas. “Nuk ka alternativë. Ne (evropianët) nuk mund të jemi ndërmjetës, kjo është e qartë (…) dhe as SHBA-të. Dhe kush pastaj? Duhet të jetë Kina, jam i bindur për këtë”, tha Borell në një intervistë për gazetën spanjolle El Mundo. Megjithatë, ky politikan spanjoll pranoi se ende nuk ka bisedime konkrete për ndërmjetësimin e Pekinit.
Përveç përpjekjeve diplomatike për t’i dhënë fund konfliktit në Ukrainë, Hacke beson se “duhet bërë gjithçka për të forcuar forcat e armatosura të Ukrainës.” Kjo nuk është në kundërshtim me mbajtjen e një kanali komunikimi me Kremlinin dhe Putinin”.
Synimi i Perëndimit duhet të jetë të negociojë “nga pozicioni i forcës ushtarake” ose nga “pozita e rrugës ushtarake”. “Është e rëndësishme të ruhet fuqia ushtarake. Por kanali i komunikimit duhet të mbetet i hapur”, thekson Hacke.
Ai beson gjithashtu te neutraliteti i Ukrainës – pra mos anëtarësimi në NATO – dhe se kjo mund të mbetet e vetmja mundësi për t’i dhënë fund luftës. “Mund të mos jetë më përcaktuese por mbetet një mundësi. Putini më pas mund të ndalonte sepse mund të thoshte e të paktën e pengoi Ukrainën të shkonte në Perëndim”.
Në këtë kuptim, është kundërproduktive të kërkosh për integrimin e Ukrainës në BE për momentin, beson Hacke. “Kjo vetëm nxit zemërimin e Putinit.”
Sipas Hacke, Putini është një makiavelist i hapur. “Ju mund ta shihni atë pas sulmit në termocentralin bërthamor që nuk u prek – por ndërtesa ngjitur. Sepse ai e di shumë mirë që era mund të kthehet. Dhe ai gjithashtu e di se nëse do të sulmonte me armë atomike, do të zbatohej rregulli i vjetër i Luftës së Ftohtë: Kush godet i pari, vdes i dyti. (Kushdo që godet i pari do të vdesë i dyti)”.
Ai duhet të përballet me fuqinë e Perëndimit, argumenton Hacke. “Unë gjithashtu mendoj se duhet t’i dërgojmë atij një sinjal bërthamor se ne nuk do të frikësohemi.”
Presidenti rus nuk është një i çmendur, tha Hacke në përgjigje të një pyetjeje. “Ai bën llogari me dobësinë tonë, me frikën tonë. Dhe mbi të gjitha, frika jonë e bëri të fortë – kjo është e keqe, është tragjike”. /tesheshi.com/
