Aktivistë të Lëvizjes Vetëvendosje kanë hedhur bojë drejt ndërtesës së Policisë. Pas këtij aksioni, Policia nisi arrestimin e disa personave që kanë hedhur bojën. Ngjarja ndodhi para stacionit kryesor të Policisë së Kosovës ku dhjetëra aktivistë të VV-së kanë hedhur ngjyrë të kuqe drejt ndërtesës dhe policëve.
Pas aksionit policia ka arrestuar disa nga ata që hodhën ngjyrë, ndërsa pasi e ka kryer fjalimin para gazetarëve, është arrestuar edhe deputetja e Vetëvendosjes Saranda Bogujevci.
Aksioni është organizuar për shkak të siç kanë thënë organizatorët “mos reagimin e Policisë në dhunën ndaj grave”.
Pas përfundimit tw aksionit tw policisw, lëvizja Vetëvendosje njofton se Policia e Kosovës arrestoi 8 aktivistë të saj, ndër ta edhe një deputete të Kuvendit të Kosovës.
“Para pak çastesh Policia e Kosovës arrestoi 8 aktivistë të Lëvizjes VETËVENDOSJE!, ndër ta dhe një deputete të Kuvendit të Kosovës, teksa po zhvillonin aksion simbolik pranë Stacionit të Policisë në lidhje me neglizhencën e institucioneve të Republikës së Kosovës për dhunën ndaj grave”, thuhet në njoftimin e VV-së.
Sipas Vetëvendosjes të arrestuar janë :Saranda Bogujevci, Rinë Zhitia, Diellëz Arifi, Elona Kurti, Arta Berisha, Çlirim Gërbeshi, Atdhe Arifi dhe Patrik Domi. /tesheshi.com/
