As Shehaj, një rivali i fortë i Bashës për kreun e PD-së, përbetohet se nuk do të bashkëpunojë me kundërshtarin politik nëse merr drejtimin e opozitës.
“Nën drejtimin tim nuk do të ketë bashkëqeverisje, nuk do të ketë marrëveshje, në asnjë rrethanë me Ramën. Do të ketë vetëm opozitë, opozitë”, tha Shehaj në takimin e radhës.
“Në pushtet vihet vetëm me votë dhe votat fitohen duke bërë për vete shqiptarët, dhe shqiptarët bëhen për vete duke e bërë PD-në alternativën e njerëzve të ndershëm, të zotë, qytetarë. Me mua në krye, PD do jetë parti demokratike dhe meritokratike, e hapur për të gjithë, me mundësi karriere për të gjithë, dhe karriera do të garantohet përmes garës dhe votës së anëtarëve”, është shprehur vlonjati që synon të pasojë Bashën në drejtimin e demokratëve. /tesheshi.com/
