Auto Dak
Auto Dak
Auto Dak

Ç’është një “marrëveshje historike” mbi taksën e teknologjisë arritur nga vendet e pasura

Grupi i ekonomive kryesore botërore, G7, ka arritur një “marrëveshje historike” mbi taksimin e kompanive shumëkombëshe, tha Ministri Britanik i Financave, Rishi Sunak.

Ministrat e Financave në një takim në Londër ranë dakord të angazhohen në parimin e një norme minimale të tatimit mbi të ardhurat prej 15 përqind.

Gjigandët e teknologjisë si Amazon dhe Google mund të jenë ndër kompanitë e prekura.

Me këtë lëvizje, miliarda dollarë do të vinin në duart e qeverive që do të përdornin paratë për të shlyer borxhet e shkaktuara gjatë krizës së pandemisë së virusit Corona, vlerëson BBC, raporton Radio Evropa e Lirë.

Ky propozim do të ushtrojë presion mbi vendet e tjera që të ndjekin shembullin, duke përfshirë takimin e G20 të muajit tjetër.

Kjo sfidë u rrit me lulëzimin e korporatave të mëdha të teknologjisë si Amazon dhe Facebook.

Kompanitë aktualisht mund të krijojnë filiale lokale në vendet me norma relativisht të ulëta të tatimit mbi të ardhurat dhe të raportojnë fitimet atje.

Kjo do të thotë që ata paguajnë vetëm normën e taksës lokale, edhe pse fitimi kryesisht vjen nga shitjet e bëra diku tjetër. Kjo është praktikë ligjore dhe e zakonshme.

Qëllimi i marrëveshjes është të parandalojë që kjo të ndodhë në dy mënyra.

Së pari, G7 dëshiron një normë minimale globale të taksave për të shmangur një “garë për në fund” në të cilën vendet mund të minojnë njëri-tjetrin me norma të ulëta të taksave.

Së dyti, qëllimi do të jetë gjithashtu që të detyrojë kompanitë të paguajnë taksa në vendet ku ata shesin produktet ose shërbimet e tyre, në vend se ku ata të raportojnë fitimet e tyre. /tesheshi.com/

auto pjese dak

Related posts