Sapo të mësoni se çfarë ndodhi me ato, do të doni që edhe ju të bëni të njëjtën gjë. Domatet janë cilësuar si super-ushqime. Për të zbuluar arsyen pse, ekspertët nga Universiteti i Taivanit vendosën të bëjnë një eksperiment.
Ata mblodhën disa femra të moshave, peshave dhe me origjinë të ndryshme, e u dhanë atyre një gotë me lëng domate prej 250 ml çdo ditë, për dy muaj rresht.
Ndryshimi më i parë dhe më i dukshëm ishte ai i humbjes së peshës. “Femrat që morën pjesë në këtë eksperiment nuk ndryshuan mënyrën e tyre të të ushqyerit apo rutinën e punës, por rezultatet e tyre ishin të dukshme brenda pak ditësh”,- shpjegojnë studiuesit që u vunë në krye të këtij eksperimenti shkencor.
“Ajo që ne zbuluam ishte se ky trajtim reduktoi në mënyrë të ndjeshme nivelin e kolesterolit, me shtimin e nivelit të likopenit, një antioksidant që ndodhet tek domatja dhe sjell shumë përfitime në shëndet”,- shtojnë më tej studiuesit.
Eksperimenti tregoi se një gotë e vetme me leng domate çdo ditë forcon sistemin imunitar, mbron nga sëmundjet e zemrës si dhe redukton shanset e kancerit. Ndër të tjera, kjo pije freskuese ndihmon në tretje, në qarkullimin e gjakut, në funksionimin e mirë të pankreasit si dhe eliminon një sërë sëmundjesh.
Lëngu i domates është shumë i mirë për lëkurën si dhe ndikon në reduktimin e ndjeshëm të anemisë apo sëmundjeve të tjera të lidhura me gjakun. Nëse keni një rutinë pune stresuese apo një jetë shumë të ngarkuar, këshillohet të konsumoni çdo ditë një gotë me lëng domateje, pasi lejon që muskujt të çlodhen dhe të shmangni spazmën e tyre, për shkak të përmbajtjes së magnezit në domate.
Për më tepër, domatja është e pasur me potas, kalcium, proteina dhe vitaminën C. Nëse nisni të konsumoni lëng domateje, sigurohuni se ai është i freskët dhe organik, në mënyrë që të keni efekte të plota. Mënyra më e mirë është që ta përgatisni vetë lëngun e domates.
Receta për lëng domateje të bërë në shtëpi
Përbërësit
6 kg domate
4 lugë me sheqer
2 lugë me kripë
Përgatitja
Hiqni papastërtitë dhe lani domatet me ujë të rrjedhshëm dhe të ftohtë
Prijini ato në pjesë dhe i bluani
Shtoni kripën e sheqerin dhe lërini të ziejnë
Trazojini herë pas here në mënyrë që të parandaloni djegien e tyre dhe pasi të marrin valë, lërini të ziejnë për 10 minuta me zjarr konstant.
Më pas vendosni domaten pasi të jetë ftohur paksa, në një enë qelqi të pastër.
Pasi të ftohen mirë, vendosini në një vend të freskët./tesheshi.com/
