Futbolli rezervon gjithmonë gjëra të habitshme për ndjekësit e tij, e mes tyre janë dhe lojtarët që edhe pse kanë një moshë të re a fare të re duken si pleq në prag të pensionit. Pamja e tyre e jashtme është bërë shpesh shkak që mediat t’i akuzojnë për falsifikime të datëlindjeve, edhe pse ata vazhdojnë të luajnë me të njëjtin ritëm.
Faqja jonë u tregon për ca prej tyre, që vërtet ngjajnë shumë më tepër në moshë nga ç’janë vërtet.
Christian Bassogog 
Eshtë shumë e vështirë ta mendosh se futbollisti nga Kameruni ka vetëm 20 vite mbi supe, për dallim
nga pamja, që më shumë i shkon një trajneri futbolli se një lojtari aktiv.
Joseph Minala
Futbollisti i ri i Lacios, që luan ende me moshat e reja në kampionatin italian, është akuzuar nga mediat për falsifikim të datës së tij të lindjes. Minala më tepër i përngjan një 40-vjeçari, dhe jo një të riu 19-vjeçar.
Aleksandar Stankov 
Në pamje të parë duket si një ish-futbollist që sapo ka mbyllur karrierën. Me flokë të thinjura e me një personalitet më ndryshe nga lojtarët e tjerë, futbollisti maqedonas nuk tregon moshën reale të tij. Ai është vetëm një 26-vjeçar.
Diego Costa
Tashmë ka marrë nofkën “plaku”. Jo për shkak të lojës së ngadaltë të tij, por për shkak të pamjes së jashtme, që nuk përkon aspak me vitet që ka mbi kurriz. Sulmuesi i kombëtares spanjolle ka vetëm 27 pranvera.
Hendry Thomas 
Shumë kush e ngatërron rolin e tij në skuadër. Rivalët mendojnë se është trajneri i skuadrës, ndërkohë që Thomas është ende lojtar aktiv dhe gjendet në moshën më të mirë të karrierës. Ai është 30 vjeç. /tesheshi.com/
