A ju ka ndodhur ndonjëherë të vuani nga lëkura e thatë e kokës? Arsyet kryesore të shfaqjes së saj lidhen me infeksionet e kokës, ekzemën apo përdorimi i shampove jo cilësore.
Nëse ju nuk e trajtoni këtë problem në kohë, atëherë mungesa e lagështisë mund të dobësojë folikulat e flokëve, duke sjellë edhe rënien e flokëve. Mjalti dhe vaji i ullirit janë dy përbërësit perfektë për të trajtuar lëkurën e thatë të kokës.
Përbërësit:
½ gotë vaj ulliri (ose vaj kokosi)
2 lugë gjelle mjaltë
Përgatitja:
Ngrohni fillimisht vajin e ullirit ose atë të kokosit në një enë të vogël në temperaturë mesatare. Hidhni mbi të mjaltin dhe përziejini mirë. Largojeni nga zjarri dhe lëreni përzierjen të ftohet. Më pas aplikojeni në kokë.
Masazhojeni ngadalë, mbulojeni kokën me një peshqir dhe lëreni të veprojë për 10 minuta. Më pas lajini flokët me shampo me përmbajtje bimore.
Përdoreni këtë maskë rregullisht në mënyrë që të zgjidhni shqetësimin tuaj në vetëm pak kohë./tesheshi.com/
