Të mërkurën, një përfaqësues i opozitës duhej të nxirrej nga parlamenti italian me karrige me rrota pas një debati dhe një sherri gjatë debatit për autonomi më të madhe rajonale.
Leonardo Donno i Lëvizjes populiste Pesë Yjet u shty dhe u rrëzua në dysheme nga deputetë të tjerë në skena kaotike në dhomën e ulët të parlamentit, raportojnë mediat italiane.
Diskutimi ishte për ligjin për të ashtuquajturat për autonominë e diferencuar të rajoneve të propozuar nga qeveria e djathtë e kryeministres Giorgia Meloni. Ligji u jep rajoneve kompetenca më të mëdha, gjë që opozita e kundërshton.
Kur u diskutua në senat një muaj më parë, pati përplasje verbale mes përfaqësuesve. Por tani deputetët e opozitës nga Dhoma e Përfaqësuesve valëvitën flamujt italianë dhe kënduan himnin kombëtar.
Kur Donno tentoi t’i jepte flamurin ministrit të administratës rajonale, disa deputetë u vërsulën drejt tij dhe nisi një shtytje, tregojnë videot.
Mbeti e paqartë nëse Donno ra vetë apo nga goditjet dhe kryetari i dhomës ndërpreu seancën dhe njoftoi se do të vendoste për masat e mundshme kur të shikonte pamjet.
Duke folur për televizionin La7, Donno tha se ishte në spital dhe po priste të kontrollohej nga mjekët pasi kishte marrë shumë goditje.
“Nuk mund të besoj se diçka e tillë ka ndodhur në Dhomën e Përfaqësuesve. Ende nuk mund ta besoj,” tha Donno.
