Socialistët kanë nisur përgatitjet për platformën elektorale me të cilën do të paraqiten në zgjedhjet parlamentare të vitit 2017. Megjithëse në një fazë të hershme, socialistëve iu duhet kohë për të përgatitur strategjinë kombëtare si e quajnë me të cilën do të garojnë për votat e shqiptarëve në përpjekje për të fituar një mandate tjetër qeverisës.
Kryeministri Edi Rama, pati si bashkëdrejtues në një takim në selinë e PS-së për këtë qëllim, kreun e grupit Parlamentar socialist, Gramoz Ruçi dhe nënkryetarin Taulant Balla.
Në mbledhjen organizative ishin të pranishëm edhe zëvendëskryeministri Niko Peleshi, ministrat Tahiri, Klosi dhe Nikolla, së bashku me kryebashkiakun e Durrësit Dako, atë të Vlorës Leli dhe të Tiranës Veliaj.
Mësohet se në takim, të ftuarit kanë raportuar për rreth 60 minuta për ecurinë e përgatitjeve për strategjinë kombëtare të PS-së.
Duket PS ka vendosur të mbledhë përvojën qeverisëse të të zgjedhurve të saj për të pasuruar strategjinë kombëtare për zgjedhjet e pas dy vjetëve.
Ndoshta PS do të përfshijë në program, rregulla më të forta sa I takon mbrojtjes së mjedisit, nisur nga përvoja e kryebashkiakut të ri të Tiranës, Erion Veliaj i cili, erdhi dhe u largua nga selia e PS-së me biçikletë./tesheshi.com/
