Është firmosur sot marrëveshja mes Ministrisë së Financave dhe Bankës Botërore, nëpërmjet së cilës arrihet financohemi i projektit për mirëmbajtjen e sigurinë rrugore.
Ministri i Transporteve dhe Infrakstrukturës, Edomd Haxhinasto, bëri me dije se ky është një projekt shumë i rëndësishëm për rrugët parësore të vendit, ku 1400 km rrugë do të mirëmbahen me një standard të ri.
“Duhet të kuptohet që çdo lek i hedhur për mirëmbajtjen e rrugëve, ofron më shumë siguri për qytetarët. Duhet të ulim aksidenteve dhe personave që humbin jetën në rrugë. Në rrugët e vendit është investuar shume por ka një hendek të madh mirëmbajtjes së tyre. Mirëmbajtja e tyre është një ushtrim shumë angazhues nga ana e qeverisë dhe institucioneve partnere, siç është Banka Botërore në rastin konkret”,- tha Haxhinasto.
Duke bërë me dije se transporti dhe infrastruktura janë sektorë për të cilët Banka Botërore ka kushtuar një vëmendje të veçantë gjatë muajve të fundit, përfaqësuesja e BB u shpreh e kënaqur me atë çfarë është arritur nga sektori i Transportit në Shqipëri.
“Ne e konsiderojmë sektorin e infrastrukturës, si një ndër më të rëndësishmit për rritjen e mirëqenies sociale dhe të vendit në përgjithëso, por duhet të përmend disa sfida”,- tha ajo.
Si sfidë të parë përmendi planifikimin e duhur të përfaqësive për sektorin e infrastrukturës dhe rrugor. Përfaqësuesja e BB u shpreh se është e nevojshme të atashohen burimet e nevojshme për këtë përfaqësi.
“Së dyti, nuk duhet të lejohen më pagesa të prapambetura. 15 miliard lekë janë shpenzime që nuk i janë paguar kompanive që merren me infrastrukturën rrugore. Pika e tretë është balancimi i investimeve të reja dhe investimeve në mirëmbajtjen e këtyre rrjeteve të reja dhe ekzistuese”,- tha përfaqësuesja e BB.
Ajo shtoi se një aspekt i rëndësishëm i huasë është mirëmbajtja e 1400 km rrugorë, nga e cila pritet ulja e aksidenteve të rënda rrugore dhe vdekjet e shkaktuara nga aksidentet rrugore, që në Shqipëri është rreth 10 herë më e lartë se në vendet e BE-së./tesheshi.com/
