PD-ja e Bashës: lexohen emrat e 18-ës

Siç u paralajmërua një ditë më parë nga Basha, krau i djathtë i tij, Sekretari i përgjithshëm Gazment Bardhi, lexoi emrat e anëtarëve të Këshillit Kombëtar që ishin pjesë e Kuvendit Kombëtar të PD-së që u zhvillua të shtunën e 18 dhjetori.

“Standardi ynë ka qenë dhe është transparenca”, tha Bardhi duke vijuar më pas me leximin e emrave të anëtarëve të Këshillit që morën pjesë të shtunën duke rrëzuar Kuvendin e Sali Berishës një javë më parë dhe votuar ndryshimet në statutin e ri, që e atë nga strukturat drejtuese për shkak të shpalljes “non grata”.

“Shumica e anëtarëve të Këshillit Kombëtar kanë qenë prezentë duke konfirmuar shumicën dërrmuese të anëtarëve të Kryesisë dhe Këshillit Kombëtar.

Apeli im është një dhe vetëm një; të përqendrojmë të gjithë bashkë energjitë në luftën ndaj Edi Ramës.

Tollovia e krijuar këto muaj nuk i intereson PD-së. Ka folur Kryesia, Këshilli dhe Kuvendi i PD-së, prandaj secili ka detyrimin për t’ju bindur institucioneve të partisë.

Në momentin që dikush del jashtë institucionit nuk ka asnjë lidhje me PD-në. Ditët që u mbyllën formularët në kasafortë e Palokës, juve ju premtua procesi i leximit të emrave nëse firmat ishin të falsifikuara dhe prezantimi i cdo pjesëmarrësi dhe kjo nuk ndodhi”, tha ai. /tesheshi.com/