Përgatitjet për ndeshjen në Shqipëri, e kanë mobilizuar stafin e kombëtares serbe sikur të ishte duke shkuar në luftë. Federata e Futbollit të Serbisë e ka ndarë mendjen të mos lejojë lojtarët e saj të hanë e të pinë nga dora shqiptare, pasi me siguri kanë frikë mos helmohen. Mentaliteti i armiqësisë kap edhe futbollin në këtë rast, pasi mësohet se serbët do të marrin me vete kuzhinierë nga Serbia dhe ujë të ambalazhuar.
“Velimir Mitrovic, i cili është kryekuzhinier në hotelin “M” në Beograd, për herë të parë do të shkojë në Tiranë, për të verifikuar dhe për të përgatitur ushqimin me rastin e ardhjes së përfaqësuesve të Serbisë”, njofton Telegraf.rs.
Detyra e tij do të jetë për të kontrolluar ushqimin, të përgatisë ushqim për stafin dhe lojtarët serbë.
Përveç kuzhinierëve që marrin me vete në Shqipëri, Federate serbe e futbollit do të pajiset edhe me një sasi të madhe të ujit në shishe për të shmangur çdo “komplikim” të paparashikuar.
Ndeshja mes Shqipërisë dhe Serbisë do të luhet më 8 tetor në Elbasan. Ndeshja është planifikuar të fillojë nga ora 20:45.
/tesheshi.com/
