Alpinistët i kanë kthyer Himalajet në një “deponi të madhe”, sipas një ambientalisti francez që ndodhet atje për të pastruar vargun malor.
Boisnard vitet e fundit ka organizuar shumë pastrime malore. Nëpërmjet organizatës Himalayan Clean-Up, ai dhe ekipi i tij kanë hequr 3.7 ton mbeturina nga Makalu, maja e pestë më e lartë në botë, dhe Anapurna, e dhjeta më e lartë. Në një mision të mëparshëm në vitin 2010 ata mblodhën 1 ton mbeturina nga Everesti.
Në videot që ai publikoi, Boisnard dhe ekipin e tij shihet duke kaluar nëpër pirgje plehrash, duke përfshirë shishe plastike, jastëkë dhe tenda të braktisura.
“Pas çdo shkëmbi gjen shumë shishe oksigjeni, kanaçe, kanavacë dhe këpucë. Është vërtet e frikshme”, tha ambientalisti francez, duke theksuar se 45% e mbetjeve ishin plastike. /tesheshi.com/
