Shpesh mund të dëgjoni thënien – “lumturia e tretë”. Por për Elon Musk dhe ekipin nga SpaceX, kjo thënie ka domethënie të mirë dhe të keqe.
Konkretisht, fluturimi provë i prototipit të raketës Starship, me të cilin Musk planifikon të udhëtojë në Hënë dhe madje në Mars, u krye saktësisht siç ishte planifikuar.
Raketa u ngrit nga një platformë lëshimi në Boca Chica, Texas, arriti një lartësi të caktuar dhe më pas u ul në mënyrë të përsosur. Me këtë, SpaceX arriti atë që dëshironte – të bënte një provë dhe të bënte lëshimin e parë vertikal të raketës Starship.
Sidoqoftë, gëzimi i suksesit të madh zgjati vetëm disa sekonda. Sapo preku vendin e uljes, raketa filloi të anohej në njërën anë, e 8 minuta më vonë ajo shpërtheu.
Kjo është hera e tretë që raketa Starship zhduket në një shpërthim zjarri pas një prove në dukje të suksesshme.
Interesante: transmetimi i drejtpërdrejtë i provës në faqen e SpaceX u ndërpre pasi raketa u ul me sukses.
Sidoqoftë, fansat që panë uljen, vazhduan të transmetonin gjithçka që po ndodhte në kanalet e tyre dhe kapën momentin e shpërthimit që hodhi përsëri raketën në ajër, para se ajo të rrëzohej në tokë dhe të zhdukej në flake. /tesheshi.com/
https://twitter.com/i/status/1367272475290185729
