Shkencëtarët kanë krijuar një pajisje të re elektronike, e cila vendoset në puls dhe jo vetëm mat nivelin e sheqerit në gjak, por mund t’i japë fund edhe injeksioneve të dhimbshme për të marrë insulinën.
Ngjitësja është e bërë nga një substancë që quhet “graphene”, një material super i hollë dhe shumë i fortë. Kjo pajisje arrin të analizojë në moment nivelin e sheqerit. Nëse gjatë analizimit sheqerit në gjak rezulton shumë i lartë, nëpërmjet disa gjilpërave ultra të holla, injektohet mjekimi i metforminës.
Metformin është një mjekim që merret nga pacientët që vuajnë nga diabeti i tipit 2. Në testin e realizuar tek minjtë diabetik, ngjitësja injekton mjaftueshëm metformin për të mbajtur nën kontroll, nivelin e sheqerit.
Gjithashtu shkencëtarët mendojnë se është e mundur të përdoret ngjitësja edhe për të zëvendësuar injeksionet e insulinës, duke evituar dhimbjen tek pacientët. /tesheshi.com/
