Lirohet nga arresti presidenti i kompanisë greke “Aktor” Leonidas Bobolas, kompani kjo që po bën ndërtimin e autostradës Demir Kapi-Smokvicë. Ai akuzohej nga autoritetet greke pwr pastrim parash. Ai u lirua pasi pagoi 1/8 e borxhit tatimor në vlerë prej 2 milion euro aq sa i obligohet shtetit.
Megjithatë, ai vazhdon të përballet me akuzat për kryerjen e krimeve financiare, gjë të cilën e kishte paralajmëruar televizioni Telma qysh muajin e kaluar, se kompania më e madhe ndërtimore greke, dyshohet se u ka dhënë ryshfet zyrtarëve në Maqedoni në mënyrë që të fitojë tenderin e vlevshwm 270 milion euro.
Ky fakt, ishte publikuar edhe në raportin e Organizatës për Zhvillim dhe Bashkëpunim Ekonomik , për luftën kundër korrupsionit në Greqi.
Kompania ndërtimiore greke, me gjasë ka ofruar ryshfet për zyrtarët e IRJM për t’fituar marrëveshjen në vlerë prej 270 milion euro për të ndërtuar një autostradë atje. Punët ndërtimore filluan në shtator të vitit 2012. Kompania greke fitoi kontratën edhe pse oferta e saj ishte dukshëm më e lartë në krahasim me konkurrentët për rreth 40 milion euro, thotë OZHBR-së.
Nga ana tjetër, çështja “Aktori” as që diskutohet në vend, pasi po bëhët një vit prej kur Prokuroria ka ndërprerë publikimin e të dhënave që kanë të bëjnë me dyshimet, ndërsa në Ministrinë e Transportit dhe Lidhjeve, thonë se arrestimi i Bobolas nuk do të ketë ndonjë ndikim në ndërtimin e seksionit të 10 Korridorit
“Aktivitetet për ndërtimin të autostradës Demir Kapi – Smokvicë rrjedhin normalisht dhe bëhen brenda afateve të përcaktuara. Deri më tani janë realizuar 58% të totalit të punimeve” thonë nga ministria.
Ndryshe, Leonidas Bobolas është djali i themeluesit të kompanisë “Aktori”, 86-vjeçari Jorgos Babolas, i cili është një nga pesë njerëzit më të pasur në greqi, pasuria e të cilit është vlerësuar në dy miliardë dollarë.
Ai është gjithashtu pronar i gazetës Ethnos, disa përjavshmeve dhe pjesërisht i “TV Mega”, gjë e cila i ka dhënë atij epitetin Berlusconi grek. /tesheshi.com/
