Ambasadori i sapoemëruar amerikan në Kosovë, Jeffrey Hovenier tha se mezi po pret të kthehet në Prishtinë për të punuar në forcimin e marrëdhënieve mes Kosovës e SHBA-së.
“Faleminderit. Mezi po pres të kthehem në Prishtinë dhe të punoj me homologët e mi nga Kosova për të forcuar e thelluar edhe më tej marrëdhëniet SHBA-Kosovë”, shkruan ai në Twitter.
Më herët, kryeministri i Kosovës Albin Kurti zhvilloi një bisedë telefonike me ndihmës Sekretarin Amerikan të shtetit Gabriel Escobar, duke u fokusuar të reformat demokratike të qeverisë së Kosovës, si dhe qasja ndaj dialogut me Serbinë dhe nevoja për të pasur rezultate sa më të shpejta në këtë drejtim.
Vetëm, dy ditë më parë, seanca e radhës e Kuvendit të Kosovës, u përfshi nga debatet mbi marrëdhëniet Kosovë-SHBA, ku ish-kryeministri Haradianj akuzoi kryeministrin Kurti si anti-amerikan, pasi hodhi poshtë projektin e gazsjellësit.
Kurti iu përgjigj se ai takon çdo javë ambasadorin amerikan. Pra sipas tij, nuk ka asnjë çarje në raportet mes dy vendeve. /tesheshi.com/
