Kryeministri Rama arsyetoi se marrëveshja mes Kosovës dhe Serbisë në çështjen e lejekalimeve kufitare, e cila zgjidhi një ngërç dhe me sfond lufte, i dedikohet pikërisht praktikave që ofronm Open Balkan. Në samitin e radhës së kësaj nisme në Beograd, Rama nuk hezitoi që ta trajtonte Vuçiçin si të prirur drejt paqes, pikërisht prej asaj marrëveshjeje.
“Dje mund të ishte një tjetër ditë ku mediat tona të ishin të mbushura me lajme shqetësuese për atë që ndodh në
kufirin Kosovë-Serbi….
Sot e them me krenari që edhe zgjidhja e lëvizjes me karta identiteti është ide e Ballkanit të Hapur.
I shpreh respektin tim presidentit të Serbisë, që duke e materializuar këtë zgjidhje ka dhënë një sinjal shumë të qartë për të gjithë: që zgjedhja e parë është paqja. Natyrisht që kjo nuk zgjidh gjithçka dhe as nuk e bën çështjen që neve na ndan një çështje të zgjidhur, por kjo është rruga”, tha Rama.
Edhe Vuçiç nga ana e tij i mëshoi Open Balkan si një projekt zhvillimi, paqeje dhe stabiliteti.
“Prej kur e kemi nisur këtë nismë më duket se asnjëherë nuk ka tërhequr kaq shumë vëmendje dhe energji.
Nga suksesi i kësaj nisme por edhe për të forcuar paqen dhe stabilitetin e rajonit.
Shpresoj që nisma e Ballkanit të Hapur të veprojë për forcimin e lidhjeve ekonomike dhe të tjera dhe të flasim me një zë të vetëm në rajon si për çështjet kryesor e te interesit por edhe ato të rajonit në tërësi”, ishin mesazhet e Vuçiçit. /tesheshi.com/
