Mensur Krasniqi
Nëse deri sot politikanët në Maqedoni nuk e kanë pasur të qartë se si mund të funksionojë më së miri shteti multietnik, lirisht mund të marrin leksion nga nxënësit.
Agjencia amerikane për zhvillim USAID, vite me radhë po e mbështet projektin e shkollave të ndryshme që përmes bashkimit të fëmijëve të etniteteve të ndryshme të forcohet shoqëria në Maqedoni.
Kësaj rradhe nxënësit e shkollës “Naum Ohridski” nga fshati Creshevë i komunës së Gazi Babës dhe shkollës “26 korriku” nga Shuto Orizarja dëshmuan në praktikë se si po realizojnë projektin për integrim ndëretnik në arsim. Ky projekt midis dy shkollave po realizohet përmes promovimit të punimeve të ndryshme të dorës.
USAID që është mbështetëse e këtij projekti thekson se bashkimi i fëmijëve nga etnitetet e ndryshme e forcon shoqërinë në Maqedoni.
“Ngjarja e sotme në shkollën fillore “Ohrid Naumovski” shënon hapjen e pestë nga shtatë hapjet e planifikuara për këtë vjeshtë që i kryen USAID përmes projektit për integrim ndëretnik në arsim(PINA). Projekti përfshinë shkolla, mësimdhënës, fëmijët dhe prindërit, liderët lokal, dhe komunitete të tëra në zhvillimin e lidhjeve ndëretnike dhe ndërtimin e bazës për një të ardhme më të mirë”, tha për TV21, Xhenifer Ford, Ambasada e SHBA-së.
Ndërkaq, kryetari i komunës së Gazi Babës, Toni Trajanovski theksoi se do të vazhdojë të investojë në projekte të tilla pasi që sipas tij është e rëndësishme ndërtimi i urave mes të dy etniteteve.
“Nxënësit nga kjo shkollë fillore së bashku me nxënësit e shkollës fillore 26 Korriku nga komuna e Shuto Orizarit, gjatë vitit shkollor punojnë së bashku ne realizimin e shumë projekteve , punëtori të përbashkëta, shoqërim , kishte vizita të përbashkëta në Çarshinë e Shkupit , kështu që nëpërmjet këtyre shoqërimeve mund ti tejkalojnë të gjitha ato dallime ndëretnike” ,tha Toni Trajanovski, Kryetar i Komunës së Gazi babës
Nxënësit e shkollave theksojnë se po njohin shoqëri të reja dhe se ata kanë dëshirë që të vazhdojnë me projekte të tilla, me qëllim zhvillimin sa më të madh të jetesës pa komplekse dhe paragjykime etnike në të ardhmen. Në vazhdim kemi edhe deklaratat e disa nga nxënësve shqiptarë dhe maqedonas.
“Pas këtij bashkëpunimi unë do të dëshiroja që të vija përsëri te bashkëpunoj përsëri me këta shokë “,tha një fëmijë.
“Nëse organizohet sërish unë kam dëshirë që të vijë sërish të bashkëpunoje me këto shoqe”, tha një tjetër fëmijës shqiptarë.
“Njoftova shumë fëmijë nga shkolla fillore 26 Korriku me të cilët u shoqëruam dhe këtë punim e bëmë të gjithë së bashku”, rrëfehet fëmiu maqedonas.
Projekti për integrim ndëretnik në arsim përfshin të gjitha shkollat fillore dhe të mesme në Maqedoni.
/tesheshi.com/
