Legjendari Sven-Goran Eriksson, 76 vjeç, ish-trajner i kombëtares angleze, si dhe trajneri i disa klubeve të njohura europiane, sipas parashikimeve të mjekëve nuk ka shumë jetë përpara. Në fillim të vitit, publiku u trondit kur mësoi për diagnozën e tij. Eriksson vuan nga kanceri i pankreasit.
Në atë që ndoshta ishte viti i fundit i jetës së tij, Eriksson pranoi të bënte një film të shkurtër dokumentar për jetën e tij. U tha se ekipi i Discovery-t ka pasur mundësinë të vizitojë shtëpinë e tij në Suedi dhe tani janë publikuar skenat e para nga ajo punë. Ai hapi shpirtin dhe tha gjithçka që kishte. Një nga skenat e dokumentarit për trajnerin e famshëm është vërtet prekëse. Bëhet fjalë për një bisedë telefonike mes tij dhe vajzës së tij Linës.
“Nuk është e lehtë të kesh një baba të sëmurë, është një stres i madh. Sidomos sepse duan të më shohin sa më shumë. Sepse nuk jetojnë në lagje, jetonënë Stokholm dhe Malaga. Telefonatat janë gjithashtu të mira, kjo ndihmon. Do të vijë në verë, do të jetë mirë. Do të më duhet të pastroj gjethet nga fusha e tenisit dhe të vendos një rrjetë”, tha Eriksson mes lotësh dhe vazhdoi: “Më duhet t’u them fuqive më të larta se nuk kam kohë për këtë. Po, nuk kam kohë për të vdekur”, tha Eriksson.
Në karrierën e tij, ai drejtoi Benfikënn, Romën, Fiorentinën, Sampdorian dhe Lazion, përpara se të merrte përsipër kombëtaren angleze në vitin 2001, me të cilën ishte në dy kampionate botërore dhe një evropian. Ai gjithashtu drejtoi Bregun e Fildishtë për një kohë të shkurtër, me të cilin ishte në Kupën e Botës 2010 dhe puna e tij e fundit ishte në stolin e ekipit kombëtar të Filipineve në 2018 dhe 2019. Ai ishte nënkampion i Europës me Benfikën në vitin 1990, ndërsa periudha më e frytshme e tij ishte në Lazio, më të cilin u shpall kampion i Italisë në vitin 2000 dhe një vit më parë fitoi Kupën e Kupave dhe Superkupën UEFA. /tesheshi.com/
