Kishte sjellë në jetë fëmijën e saj të parë, dhe më pas, pas lindjes së të dytit ishte shëndoshur aq shumë saqë nuk arrinte dot as t’i merrte në krahë. E kështu kuptoi se kishte ardhur koha që të ndryshonte. E kishte seriozisht. Kështu Kim Callaghan, një irlandeze e moshës 39 vjeçare ka bërë një ndryshim drastik në jetën e saj.
Nuk mund të jetonte më në atë trup që e pengonte të mbante në krahë fëmihet e saj dhe të ecte apo të ulej në makinë për të paktën 15 minuta. Kështu, siç raporton Irish Mirror, gruaja iu nënshtrua një diete me të vërtetë drastike, çka solli humbjen e thuajse gjysmës së peshës së trupit.
Ky ndryshim, me sa duket e bëri të ndihet si një nga njerëzit më të lumtur në tokë. “Gjithçka nisi kur thuajse para 4 Krishtlindjesh, përpara se të nisja dietën, nuk dija se çfarë të vishja, duke qenë se në dyqane nuk kishte asnjë gjë për masën time. Gjithçka më rrinte e vogël”,- shpjegon Kim për tabloidin.
Asaj i janë dashur thuajse 4 muaj për të humbur gjysmën e peshës së saj dhe të ndryshonte nga 120 kilogramë, në një peshë prej 60 kilogramësh. Sigurisht, ajo që e ndihmoi Kimin nuk ishte vetëm një dietë, por edhe sporti. Gruaja nisi të vrapojë dhe për 4 vite ka marrë pjesë në 4 gjysmë-maratona.
“Mësova të vlerësoj kuzhinën, ushqimin e mirë dhe të shëndetshëm si dhe vlerat e çdo ushqimi”,- bën me dije Kim, e cila për çdo stone të humbur (një stone=6kg) ka vizatuar në këmbë një flutur. E ka bërë këtë për të mos harruar mundimin dhe vlerën që ka dashuria për vetën, por edhe për të kujtuar forcën dhe vullnetin që ka treguar./tesheshi.com/
