Kompania shumëkombëshe britanike Ineos, e cila u themelua në vitin 1998 nga Jim Ratcliffe, 70 vjecc, ka hyrë zyrtarisht në procesin e garws për blerjen e gjigantit anglez të futbollit Manchester United, ka konfirmuar zëdhënësi i gjigantit kimik.
“Unë mund të konfirmoj se ne i jemi bashkuar zyrtarisht procesit,” tha një zëdhënës i Ineos në një deklaratë.
Pronarët aktualë të Djajve të Kuq, familja amerikane Glazer, njoftuan në nëntor se kishin filluar të shqyrtonin opsionet për 20 herë kampionët e Anglisë, duke përfshirë investimin e ri ose një shitje të mundshme, 17 vjet pasi ata blenë klubin e Old Trafford.
The Times, i cili publikoi lajmin e parë, thotë se ofertat zyrtare do të fillojnë të arrijnë në Old Trafford muajin e ardhshëm dhe se United mund të ndryshojë pronësinë para fundit të sezonit.
Ratcliffe, një nga britanikët më të pasur
Interes pritet edhe nga SHBA, Lindja e Mesme dhe Azia.
Ineos është kompania e katërt më e madhe kimike në botë dhe pronari i saj është 70-vjeçari Jim Ratcliffe, një nga britanikët më të pasur.
Në njëzet vjet, kompania është rritur në një gjigant me 19,000 punonjës dhe një qarkullim vjetor prej më shumë se 60 miliardë dollarë.
Pasuria e tij personale vlerësohet në më shumë se 15 miliardë paund dhe ai njihet për mbështetjen e opsionit të daljes së Britanisë nga BE.
Ineos Group zotëron klubin francez Nice dhe klubin zviceran Lozanën. Është gjithashtu partneri kryesor i tetë herë kampionëve të Formula 1 Mercedes, dhe gjithashtu zotëron ekipin e çiklizmit Ineos Grenadiers.
U përpoq të blinte Chelsea-n
Ratcliffe është një tifoz i madh i United, por vitin e kaluar ai u përpoq të blinte Chelsea-n. Megjithatë, oferta e tij prej 4.2 miliardë paund nuk ishte e mjaftueshme.
Klubi londinez u ble përfundimisht nga një grup investimi i udhëhequr nga amerikani Todd Boehly dhe Clearlake Capital.
ManU aktualisht është i katërti në renditjen e Premier League me 38 pikë, po aq sa Newcastle United.
Rivali i qytetit të United, City ka një pikë më shumë, ndërsa Arsenali është në krye me 47 pikë. /tesheshi.com/
