Astma është një nga sëmundjet më të përhapura te fëmijët këto vitet e fundit, edhe për shkak të ndotjes së mjedisit, ajrit dhe ndikimit të faktorëve të tjerë. Për shumë prindër, ky është një problem i madh, për më tepër në rastet kur mjekët japin diagnoza për një sëmundje që do të zgjasë gjithë jetën duke u shndërruar në kronike.
Por më në fund vjen pak shpresë nga Britrania e Madhe. Informacionet e fundit bëjnë të ditur se, nëse gjithçka do të shkojë sipas parashikimeve, 5 vitet e ardhëshme do të mundësohet një kurë jashtëzakonisht e mirë dhe përfundimtare për këtë sëmundje të mushkërive dhe rrugëve të frymëmarrjes.
Shkencëtarët kanë zbuluar shkakun e sëmundjes dhe mënyrën e ndalimit të tij. Ky zbulim është konsideruar “i jashtëzakonshëm”. Njëherazi, zbulimi do të jetë i vlefshëm edhe për kurimin e personave me bronshit kronik dhe pneumoni. Sipas studimit, medikamenti me emrin “kalcilitiks” i përdorur për trajtimin e osteoporoses, mund të jetë shumë i mirë edhe për trajtimin e shkaqeve të fshehta që shkaktojnë astmën dhe ky zbulim bëhet për herë të parë.
Njëra nga shkencëtaret nga Universiteti i Kardifit deklaron se në rast se do të vërtetohej se medikamenti i sipërpërmendur tretet mirë dhe absorbohet nga mushkëritë, atëhere brenda një periudhe 5-vjeçare ai mund të shndërrohet në një medikament çudibërës edhe për të sëmurët që vuajnë nga azma.
Po çfarë ndodh në fakt? Kur një faktor irritues si përshembull pluhuri, thithet dhe futet në mushkëri, sensori i kalçiumit i qelizave pritëse te individi azmatik reagojnë duke shkaktuar menjëherë ngushtim të rrugëve të frymëmarrjes. Në rastin e medikamentit që përdoret për osteroporozën, kur ai thithet, kemi një ndalim të procesit të ngushtimit të rrugëve të frymëmarrjes.
Deri tani ky medikament është testuar vetëm te minjtë. Nëse edhe te njerëzit kjo rezulton e vërtetë, atëhere për pak vite do të kemi një kurë përfundimtare për astmën.
