Një delegacion i vogël nga Katari mbërriti në Izrael me qëllim të sigurimit të pajtueshmërisë së vazhdueshme me marrëveshjen midis shtetit hebraik dhe Hamasit për shkëmbimin e pengjeve dhe të burgosurve dhe një armëpushim, njoftuan mediat izraelite.
Një avion privat i Katarit, me anëtarë të delegacionit të Katarit, u ul më herët sot në aeroportin Ben-Gurion të Izraelit. Avioni ishte nisur nga Larnaka, raportoi rrjeti publik izraelit Kan.
Një diplomat me njohuri për vizitën konfirmoi mbërritjen e delegacionit në agjencinë gjermane të lajmeve (dpa).
Një nga diplomatët, pjesë e delegacionit të Katarit, theksoi se ekipi shkoi në Izrael për të siguruar që marrëveshja të vazhdojë të zbatohet pa probleme. Ata pritet të diskutojnë hapat e mëtejshëm për zbatimin e marrëveshjes midis Izraelit dhe Hamasit – si dhe me ndërmjetësit në Doha.
Katari dhe Egjipti konsiderohen ndërmjetësues të rëndësishëm në luftën mes Izraelit dhe Hamasit. Katari mban kontakte të ngushta dhe të gjera me grupin militant, megjithëse vendi i Gjirit nuk ka marrëdhënie zyrtare diplomatike me Izraelin. /tesheshi.com/
