Armëpushimi në Gaza tani është në fuqi, sipas një deklarate nga zyra e kryeministrit izraelit.
Armëpushimi filloi në orën 11:15 (04:15 ET), pra disa orë me vonesë, pasi më të pabesët ndër njerëz në histori, prishës namzinj marrëveshjesh, kushtëzuan hyrjen në fuqi të asaj çfarë kanë firmosur me rezistencën palestineze, duke thënë se Hamasi duhet të dorëzojë fillimisht listën e pengjeve që do lirojë.
Dhe Hamasi, pasi tha se kishte pasur një vonesë “teknike”, publikoi emrat te tre pengjeve të para për liruar.
Dhe deri në çastin kur hyri në fuqi marrëveshje, të eturit për gjak nuk i ndalën sulmet në Gaza, duke vrarë, si çdo ditë, në 15 muaj rresht, civilë, mes tyre gra e fëmijë, në një strategji të qartë mizore dhe çnjerëzore për ta bërë Gazën të pajetueshme.
Armëpushimi pas 15 muajsh të përgjakshëm
Ky armpushim vjen pas më shumë se 15 muaj lufte, të cilën janë vrarë pothuajse 47,000 palestinezë, në atë që konsiderohet dhe një gjenocid me miratim të heshtur perëndimor.
Përveç këmbimit të të burgosurve, marrëveshja, më në fund, do t’i lejojë palestinezët e zhvendosur të kthehen në shtëpitë e tyre – edhe pse pas një fushate të qëllimshme shkatërrimi nga Izraeli, shumë shtëpi nuk ekzistojnë më.
Çfarë do të ndodhë në fazën e parë?
Armëpushimi filloi në orën 11:15 të mëngjesit me orën lokale të së dielës, kur operacionet ushtarake izraelite pushuan.
Mbikëqyrja ajrore do të pezullohet për 12 orë për të lejuar shkëmbimin e të burgosurve dhe të paraburgosurve.
Hamasi ra dakord të lirojë tre të burgosura femra në ditën e parë, dhe gjatë gjashtë javëve të ardhshme, 33 të burgosura do të lirohen – mes tyre gra, fëmijë dhe burra mbi moshën 50 vjeç.
Në këmbim, Izraeli do të lirojë 95 të burgosur palestinezë në ditën e parë, duke e çuar numrin e përgjithshëm të të burgosurve të liruar në 737, duke përfshirë burra, gra dhe fëmijë.
Nga dita e parë, 600 kamionë me ndihma humanitare, përfshirë 50 me karburant, do të hyjnë çdo ditë në Gaza për të furnizuar termocentrale, spitale, furra buke dhe makineri për pastrimin e rrënojave. Kjo ndihmë do të vazhdojë në të gjitha fazat e marrëveshjes.
Faza e dytë dhe e tretë
Detajet e fazës së dytë dhe të tretë, megjithëse konsiderohen të dakorduara në parim, duhet të negociohen gjatë fazës së parë.
Faza e dytë duhet të përfshijë lirimin e të gjithë të burgosurve të mbetur, një armëpushim të përhershëm dhe tërheqjen e plotë të forcave izraelite nga Rripi i Gazës.
Pritet që në fazën e tretë, trupat e të gjithë të vrarëve të kthehen dhe të fillojë rindërtimi, nën mbikëqyrjen e Katarit, Egjiptit dhe Kombeve të Bashkuara.
Marrëveshjes i paraprinë negociatat e vështira të ndërmjetësuara nga Katari dhe Egjipti, me mbështetjen e SHBA-së, të gjitha vetëm pak ditë para inaugurimit të Donald Trump si president i ri i Shteteve të Bashkuara.
Në prag të armëpushimit, forcat izraelite sulmuan zonat civile në enklavë deri në minutën e fundit, duke vrarë më shumë se 120 palestinezë. /tesheshi.com/
