Përfitimet që marrim nga bostani janë me të vërtetë të shumta. Ky frut me ngjyrë është hidratues dhe shumë i freskët. Ndër të tjera përmban një sasi të madhe uji dhe pak kalori. Është i pasur me sheqerna të thjeshta dhe kripëra minerale, si magnezi, potasiumi, fosfori, që ndihmojnë për të luftuar lodhjen dhe nxehtësinë. Si një frut shumë i shijshëm, bostani është shumë i mirë edhe në sallata. Ja se si mund të shfrytëzoni përfitimet e shumta që merrni nga bostani për të ndikuar në shëndetin dhe bukurinë tuaj.
Uji dhe kripërat minerale – Vapa e madhe ju bën të ndiheni keq edhe në mëngjes? Nisni një ditë të mirë dhe me energji duke u karikuar me ujë dhe kripëra minerale. Një fetë bostani kontribuon në hidratimin e organizmit, çka është shumë e rëndësishme pas humbjes së kripërave minerale gjatë natës.
Përfitime – Pjesa e kuqe e bostanit, e pasur me lokopen, beta karoten dhe vitaminë A, ka efekt hidratues dhe ndihmon në detoksifikimin e organizmit duke shmangur akumulimin e toksinave. Falë përmbajtjes së ulët me kalori, bostani përbën bazën për një pasdite të shijshme. Ky frut është miku i femrave, sepse lufton celulitin dhe ndihmon në funksionimin e mirë të veshkave.
Receta që duhet ti provoni – Për të pasur një lëkurë të lëmuar dhe të shndritshme, provoni një lëng me bazë bostani dhe kastraveci. Do të ndihmojnë në bukurinë e këmbëve dhe heqjen e pjesës së fryrë në zonën e barkut. Mund të pregatisni një sallatë verore të freskët duke e prerë bostanin në kube, duke i hedhur selino, pak qepë të kuqe, ullinj të zinj dhe lëng limoni të freskët. Për aperitiv provoni të përzieni ose të shtrydhni bashkë me bostanin edhe fruta të tjera. Keni për ta parë se sa do t’ju shijojë në mbrëmje.
Kundër lodhjes – E pasur me vitamina të grupit B, bostani ndihmon në vendosjen e balancave mes magnezit dhe potasit, të cilët janë të rëndësishëm për të pasur më shumë energji dhe për të luftuar lodhjen tipike të ditëve të nxehta të vitit. Nga të dhënat e një studimi të realizuar në Universitetin e Kentucky është dalë në përfundimin se konsumi i bostanit mund të ndikojë edhe në uljen e sasisë së yndyrnave në arterie dhe të ketë pasoja pozitive për sëmundjet e zemrës.
Nxirje e përsosur – Disa kërkime të realizuara në Shtetet e Bashkuara të Amerikës kanë treguar se një fetë bostani e pjekur mirë, përmban rreth 40% likopen më shumë se sa një domate si dhe është një burim kripërash minerale, vitaminash A, B6 dhe C, të cilat forcojnë sistemin imunitar dhe përmirësojnë qarkullimin e gjakut./tesheshi.com/
