Ylli brazilian dhe futbollisti më i shtrenjtë Neymar, tha se me 17 maj pritet t’i kthehet stërvitjes për të qenë gati një muaj më pas në ndeshjen e parë në Botërorin e Rusisë, pikërisht më 17 qershor.
I dëmtuar gjatë një ndeshjeje në kampionatin frances në fund të shkurtit, sulmuesi i PSG, është entuziast për rikuperimin.
“Shpresoj të mbërrij në Rusi në gjendje të shkëlqyer. Javën e kaluar pata një kontroll i cili tregoi se çdo gjë është e përkryer dhe se rimëkëmbja po ka ecuri të mirë”, tha Neymar për mediat braziliane.
Ai shtoi se po bënte gjithçka për të rifituar formën më të mirë brenda një muaji.
“Po trajtohem çdo ditë sepse është një ëndërr që vjen. Është Kupa e Botës. Unë e kam pritur prej katër vite për këtë mundësi”.
Takimin e parë Brazili do e ketë me Zvicrën, në një grup ku bën pjesë dhe Serbia me Kosta Rikën. /tesheshi.com/
