Ai është pa limite, herë shfaqet si gangster, herë si rockstar, herë grindet, herë lëshon gjuhën. Por një gjë është e sigurtë: është një prej talenteve më të mëdhenj të futbollit që Suedia ka pasur në të gjithë historinë e saj. E për këtë, menduan t’i bëjnë një statujë.
Asokohe kur ia propozuan, e mori me filofozi: “Kur shkon në New York, të del para syve Statuja e Lirisë, kur të vish në Suedi, do të të dalë Statuja e Zlatanit”- iu përgjigj me të qeshur propozimit që iu bë.
Por shteti i tij, Suedia pra, nuk do ta lerë me kaq glorifikimin e kësaj figure që i ka sjellë aq famë ndërkombëtare. Sepse një tjetër propozim i ka ardhur së fundmi gjigandit suedez, që aktualisht luan për Manchester United.
Ai do të përfshihet edhe ne kartmonedhën 1 mijë koronëshe të Suedisë. Të paktën ky është një propozim ende i paligjëruar. Artisti Bingo Rimer e ka skicuar këtë kartmonedhë, ku portreti i futbollistit është në qendër, ndërsa në miniaturë, një moment kur ai luante me fanellën e Milanit.
Prapë me “filozofi” e ka marrë Zlatan: “Sic keni Benjamin Franklin, do më keni edhe mua”- ka thënë Ibrahimoviç, duke iu referuar kartmonedhës 100 dollarëshe amerikane. Deri tani, kjo është thjesht një ide, e kartmonedha nuk do të hidhet në qarkullim, por ku i dihet…Me Ibrahimoviç asgjë nuk është e pamundur. /tesheshi.com/
