Në Gllarevë të Klinës, atje ku guri është flori!

Nga Donat Maloku

Gllareva është një vendbanim në komunën e Klinës. Ky fshat njihet për nxjerrjen dhe përpunimin e gurëve, që ndryshe quhen si gurët e Gllarevës.

Gjatë udhëtimit për në qytetin e Klinës. ajo që bie në sy në fshatin Gllarevë janë gurët e ekspozuar dhe banorët e këtij lokaliteti që merren me nxjerrjen e gurëve të cilët më pastaj përpunohen, punë nga e cila mbajnë familjet e tyre.

Këta gurë kanë cilësi dhe përdoren edhe në shtete të ndryshme të botës. Sipas eksertëve të jashtëm, gurët e Gllarevës janë janë ndër gurët më të mirë në Ballkan.

Këta gurë dërgohen edhe jashtë vendit dhe përdoren për ndreqjen e mureve të ndryshme,  fontanave, oxhaqeve, oborreve, pushimoreve etj.

Rrëfimi i Sadikut

Portali mbarëkombëtar “Te Sheshi”, ka qëndruar në fshatin Gllarevë ku ka biseduar nga afër me një nga banorët që prej vitesh punon me gurë.

Sadik Haxhaj, 48-vjeçar nga Gllareva. ka treguar për portalin “Te Sheshi”, që prej sa vitesh bën këtë punë, mbijetesën që siguron përmes gurëve, nga kërkesat e konsumatorëve nga Kosova por edhe jashtë vendit etj.

Ai thotë se edhe pse ka jetuar dhjetë vite në Gjermani, për asnjë profesion tjetër nuk do ta ndërronte punën që e bën tani së bashku me fëmijët e tij.

 “Unë kam filluar të bëj këtë punë që paraluftës. Ndodhi lufta dhe natyrisht u larguan nga shtëpitë tona dhe puna u ndërpre. Me të përfunduar lufta, kam rifilluar të nxjerrë dhe bëj përpunimin e gurëve. Pra qe 15 vite merrem me nxjerrjen dhe përpunimin e gurëve. Është punë e vështirë por jam shumë i kënaqur pasi nuk i bie në gjunjë askujt, nuk i kërkoi një vend pune, edhe pse kam pasur mundësi të punësohem në ndonjë vend.  Këtë zanat që e kam nuk e ndërroj me asgjë.

Punoj së bashku me katër djemtë dhe një nip. Me këtë punë e mbaj familjen tetë anëtarëshe. Nuk ka gjë më mirë kur i kam djemt afër dhe i shoh si punojnë dhe kontribuojnë për familjen dhe nuk bredhin rrugëve si shumë bashkëmoshtarë të tyre.  E di që nuk e kanë lehtë, por e kanë shumë më mirë që janë vet shef të punës së bëjnë dhe nuk shkojnë të punojnë tek ndonjë vend për rrogë tejet të vogël.

Ka interesim të madh për gurët e Gllarevës. Janë bërë shumë familje që merren me këtë zanatë, por fatmirësisht secili i ka myshteritë e tij. Edhe, punëtoria ime ka klinetë të shumtë si nga fshatarat e shumta të Kosovës ashtu edhe jashtë vendit.

Blerës më të shumtë ka nga qyteti i Gjakovës, Ferizajt, kurse të interesuar ka edhe nga shtetet e jashtme si Itali, Zvicër dhe Gjermani.

Metra e rrasave kushton 10-15 euro. Me gurët dhe rrasat tona bëhen dekorime të ndryshme të mureve, oxhaqeve, fontanave etj.

Unë para luftës kam jetuar dhjetë vite në Gjermani, por tani nuk do ta largohesha nga Kosova për kohë të gjatë pasi e kam punën që e bëj me kënaqësi dhe që fitojë mjaftueshëm për ta mbajtur mire familjen time. E vetmja mënyrë që do të shkoja do të ishte, te muaj, pra gjatë pushimeve të verës.

E vetmja gjë që dua është të ec puna mbarë si deri më tani, klientët tanë të jenë të kënaqur me punën dhe gurët që blejnë nga ne.

Nuk thojnë kot që gurët e Gllarevës janë më të mirët në Ballkan andaj shpresoj që të gjithë qytetarëve të Kosovës që merren me këtë zanat t’iu shkojë puna siç është më së miri në mënyrë që të rritet mirëqenia në familjet tona”. /tesheshi.com/