Për ata që do duan tani të fluturojnë nga një numër aeroportesh të Lindjes së Mesme do të bëhet e pamundur marrja me vete e pajisjeve elektronike që kanë përmasa më të mëdha se një telefon celular.
Shtetet e Bashkuara të Amerikës e nisin ndalimin e tyre prej kësaj të marte, ndërkohë që ende nuk janë bërë të njohura hollësitë.
Nisma u mësua të hënën, nga deklaratat e Royal Jordanian Airlines-it dhe të agjencisë zyrtare të lajmeve të Arabisë Saudite.
Ndalimi do të vlejë për fluturimet pa ndalesë për në SHBA nga dhjetë aeroporte ndërkombëtare. Një zyrtar amerikan, që nuk pranoi të identifikohej, deklaroi se ky ndalim kishte javë që po shqyrtohej.
Sipas kompanisë ajrore Royal Jordanian, telefonat celularë dhe pajisjet mjekësore përjashtohen nga ndalimi. /tesheshi.com/
